ذا فصل والثاني تخلصنا من الكلب الحمر .. باقي عياله عالمداخل والمخارج ينبحون ..

ذا فصل والثاني تخلصنا
من الكلب الحمر  ..
باقي عياله عالمداخل والمخارج ينبحون ..

قد قلت له با تطردك إن
طال وقتك أو قصر ..
وكثير من عينتك في هذي السنة با يرحلون ..

جابو لها طيمس وطيمس
ما معي منه خبر ..
هو لون ثابت أو معه عدسه
على عشرين لون ..

لكننا با قول هذا  قصف
والا  بو  مغر  ..
والقصف والبلجيك همة
ما يخيبن الضنون ..

والساحلي ورقته سوداء
والخطر فوق الخطر ..
خلوه تحت أنظاركم منه
حذاري تغفلون  ..

لي دخل السرقان مسحه لا تئمن له حذر ..
يالعامري مكن حدودك لا الدواعش يدخلون ..

وقل لمقشم  حافظو عا أم الفزاحم والهجر  ..
شو من يبيع أرضه وماله
ياغبونه بالغبون ..

واليافعي شل  المكلا ما
نشد عا شعب سر  ..
يبغى الذي فيها عليها
بالوكالة ينشدون ..

وإللي عطيتوه الوكالة ما
معه بر في الوصر  ..
يشرح ويحمي والصرابه
ناس غيره يصربون ..

الساحل استثنوه والوادي  لرعيان البقر  ..
مكانهم دي اتش قبلك في 
النقط يتركزون ..

واحنا في الوادي نصفق بس
أو نرفع صور ..
ما شي لنا همة نسرح لي
بها يتلاعبون  ..

للشاعر / رمضان باعكيم